ອີງຕາມລາຍງານຂອງ CNBC, ຕາມເງື່ອນໄຂແຜນການທີ່ໄດ້ປະກາດກ່ອນໜ້ານີ້, ກຸ່ມບໍລິສັດ SVB ວາງແຜນຈະຂາຍຮຸ້ນສາມັນ 1.25 ຕື້ໂດລາ ແລະ ຮຸ້ນບຸນລັກທີ່ສາມາດແປງໄດ້ (convertible preferred) ອີກ 500 ລ້ານໂດລາ. ກຸ່ມບໍລິສັດຍັງໄດ້ປະກາດວ່າໄດ້ບັນລຸຂໍ້ຕົກລົງກັບບໍລິສັດລົງທຶນ General Atlantic ເພື່ອຂາຍຮຸ້ນສາມັນ 500 ລ້ານໂດລາ, ແຕ່ຂໍ້ຕົກລົງນີ້ຈະຂຶ້ນກັບຄວາມສໍາເລັດຂອງການອອກຮຸ້ນສາມັນອີກຮອບໜຶ່ງ. ແນວໃດກໍຕາມ, ອັດຕາການໄຫຼອອກຂອງເງິນຝາກຂອງບໍລິສັດລູກຂອງກຸ່ມ, ທະນາຄານ Silicon Valley, ເກີນກວ່າຂັ້ນຕອນການເກັບທຶນຈາກການຂາຍຊັບສິນ. ການຂຶ້ນຂອງອັດຕາດອກເບ້ຍ, ຄວາມກັງວົນຕໍ່ເສດຖະກິດຖົດຖອຍ, ແລະ ຄວາມຊ້າຂອງຂັ້ນຕອນການ IPO ໄດ້ເຮັດໃຫ້ວິສາຫະກິດທີ່ຢູ່ໃນໄລຍະເລີ່ມຕົ້ນ ຫາເງິນສົດເພີ່ມຂຶ້ນໄດ້ຍາກລົງ, ຈົນນໍາໄປສູ່ການດຶງເອົາເງິນຝາກຈໍານວນຫຼາຍຂອງພວກເຂົາຢູ່ທະນາຄານຕ່າງໆ ເຊັ່ນ Silicon Valley. ແຕ່ນັກວິເຄາະຈາກ Wall Street ເຫັນວ່າ ບັນຫາຂອງ SVB ດູເໝືອນວ່າບໍ່ຄ່ອຍຈະລາມໄປຢ່າງກວ້າງຂວາງໃນລະບົບທະນາຄານທັງໝົດ.