Heima ($HEI) ແມ່ນຫຍັງ?
Heima Network ແມ່ນບລັອກເຊນຊັ້ນ 1 ທີ່ພັດທະນາຂຶ້ນເພື່ອແກ້ໄຂບັນຫາຂອງລະບົບນິເວດບລັອກເຊນທີ່ແບ່ງແຍກກັນ ໂດຍອຳນວຍຄວາມສະດວກໃນການເຮັດວຽກຮ່ວມກັນຫຼາຍເຄືອຂ່າຍ ແລະ ຂ້າມເຄືອຂ່າຍຢ່າງລາບລື່ນ. ໂດຍຕໍ່ຍອດຈາກພື້ນຖານຂອງ Litentry Network, Heima ໄດ້ນຳໃຊ້ອົງປະກອບຂັ້ນສູງທີ່ກຳນົດໂຄງສ້າງພື້ນຖານຫຼັກຂອງຕົນ. ອົງປະກອບເຫຼົ່ານີ້ລວມມີໂມດູນການຄຸ້ມຄອງຂໍ້ມູນປະຈໍາຕົວແບບບໍ່ມີສູນກາງໃນການຢືນຢັນຕົວຕົນທີ່ປອດໄພ ແລະ ໂມດູນຄວາມປອດໄພ ແລະ ຄວາມເປັນສ່ວນຕົວທີ່ນຳໃຊ້ Trusted Execution Environments (TEE) ເພື່ອປ້ອງກັນຂໍ້ມູນທຸລະກຳ.
ນອກຈາກການຄຸ້ມຄອງຂໍ້ມູນປະຈໍາຕົວແລ້ວ, Heima ຍັງນຳສະເໜີລະບົບດຳເນີນການຕາມເຈດຕະນາ ເຊິ່ງຊ່ວຍໃຫ້ຜູ້ໃຊ້ສາມາດດໍາເນີນທຸລະກຳຂ້າມເຄືອຂ່າຍຜ່ານເຄືອຂ່າຍບລັອກເຊນຫຼັກຕ່າງໆໄດ້ແບບງ່າຍໆ ລວມມີ: Ethereum, Solana, ແລະ Polkadot. ດ້ວຍການເຊື່ອມໂຍງກັບລະບົບນິເວດຕ່າງໆ ເຮັດໃຫ້ Heima ເພີ່ມການເຂົ້າເຖິງສຳລັບຜູ້ໃຊ້ ແລະ ນັກພັດທະນາ ພ້ອມທັງຫຼຸດຄວາມຊັບຊ້ອນໃນການດຳເນີນງານ ເຊິ່ງຊ່ວຍຍູ້ດັນການນຳໃຊ້ບລັອກເຊນໃຫ້ກວ້າງຂວາງຂຶ້ນ.
ສຳລັບການຄຸ້ມຄອງຊັບສິນຂ້າມເຄືອຂ່າຍ, Heima ນໍາສະເໜີການແຍກຊັ້ນ Wallet ເຊິ່ງຊ່ວຍໃຫ້ການຄວບຄຸມຊັບສິນຫຼາຍເຄືອຂ່າຍງ່າຍຂຶ້ນ ໂດຍບໍ່ຈຳເປັນໃຫ້ຜູ້ໃຊ້ປ່ຽນເຄືອຂ່າຍດ້ວຍຕົນເອງ. ບໍລິການແຍກຊັ້ນເຄືອຂ່າຍຂອງລະບົບຊ່ວຍໃຫ້ການໂອນຊັບສິນ ແລະ ການຊື້ຂາຍຄ່ອງຕົວຂຶ້ນ ພ້ອມທັງຄຸ້ມຄອງຂະບວນການດ້ານເຕັກນິກທີ່ຢູ່ເບື້ອງຫຼັງ. ດ້ວຍໂຄງສ້າງພື້ນຖານແບບ TEE ເພື່ອຮັບປະກັນທຸລະກຳທີ່ເນັ້ນຄວາມເປັນສ່ວນຕົວ, ຜູ້ໃຊ້ຍັງຄົງຄວບຄຸມຂໍ້ມູນຂອງຕົນໄດ້. ໂດຍການແກ້ໄຂບັນຫາການກະຈັດກະຈາຍຂອງຂໍ້ມູນ, ຄວາມສ່ຽງດ້ານຄວາມເປັນສ່ວນຕົວ ແລະ ຄວາມບໍ່ມີປະສິດທິພາບໃນການເຮັດວຽກຮ່ວມກັນຂອງເຄືອຂ່າຍຕ່າງໆ, Heima ຈິ່ງຮອງຮັບແອັບພິເຄຊັນຕ່າງໆ ເຊັ່ນ ແພລັດຟອມ DeFi, ການຊື້ຂາຍຂ້າມເຄືອຂ່າຍ ແລະ ການຄຸ້ມຄອງຊັບສິນດິຈິຕອນ.
Heima ສ້າງຕັ້ງໂດຍທ່ານ Hanwen Cheng, ວິສະວະກອນຊອບແວຜູ້ທີ່ເຄີຍມີສ່ວນຮ່ວມໃນການພັດທະນາ Polkadot. ໃນປີ 2020, ລາວໄດ້ເລີ່ມເຮັດວຽກກ່ຽວກັບເຄືອຂ່າຍ Litentry ເຊິ່ງສ້າງຂຶ້ນໂດຍໃຊ້ໂຄງສ້າງ Substrate. ໃນປີ 2025, ລາວໄດ້ປ່ຽນມມາມຸ່ງເນັ້ນໃສ່ເຄືອຂ່າຍນາມມະທໍາ ໂດຍພັດທະນາ Litentry ໃຫ້ກາຍເປັນ Heima Network ເພື່ອຂະຫຍາຍຄວາມສາມາດໃຫ້ສູງຂຶ້ນ.
$HEI ເປັນໂທເຄັນດັ້ງເດີມຂອງ Heima Network ແລະ ດໍາເນີນງານຢູ່ໃນ Heima Parachain, Ethereum ແລະ BNB Chain. ເຖິງແມ່ນວ່າປະໂຫຍດຫຼັກຂອງມັນຈະຢູ່ພາຍໃນລະບົບນິເວດຂອງ Heima, ແຕ່ຜູ້ໃຊ້ສາມາດໂອນ HEI ຂ້າມເຄືອຂ່າຍຜ່ານທາງພອດທໍ Bridge ຂອງ Heima. ມັນເຮັດໜ້າທີ່ເປັນທັງໂທເຄັນການປົກຄອງ ແລະ ໂທເຄັນຄ່າທຳນຽມ ເຊິ່ງຊ່ວຍໃຫ້ຜູ້ໃຊ້ມີສ່ວນຮ່ວມໃນການປົກຄອງໃນລະບົບຜ່ານທາງພອດທໍການປົກຄອງ.
ຈຳນວນໂທເຄັນທັງໝົດຈຳກັດຢູ່ທີ່ 100 ລ້ານ ໂດຍມີຈຳນວນຫຼຽນໃນລະບົບຢູ່ທີ່ 81.47 ລ້ານ HEI. HEI ໄດ້ມີການຈົດທະບຽນຢູ່ໃນ Binance ເພື່ອແລກປ່ຽນຊື້ຂາຍ. ລາຄາປັດຈຸບັນຂອງ HEI ໄດ້ຮັບການອັບເດດຕາມເວລາຈິງໃນ Binance. HEI ໄດ້ຮັບການຈົດທະບຽນຢູ່ໃນ Binance ເພື່ອໃຫ້ສາມາດຊື້ຂາຍໄດ້.