Бет-әлпет арқылы растау дегеніміз не және оны қалай сәтті аяқтауға болады?

Binance жүйесінің Бет-әлпет арқылы растау процесі дегеніміз не және ол неге маңызды?

Шотыңызға кірген кезде немесе трейдинг, қаражат шығару, сыйақыларды жұмсау және депозит шектерін арттыру сияқты белгілі бір функцияларды орындау кезінде бет-әлпет арқылы идентификациядан өту сұралады. 
Бет-әлпет арқылы идентификациядан өту міндетті екенін ескеріңіз және оны алып тастау немесе айналып өту мүмкін емес. Бұл тексерулер шотыңызды қорғау үшін маңызды.

Бет-әлпет арқылы растау процесі нақты уақыттағы бетіңіздің бейнесін жеке басты растау үшін жіберілген құжаттағы суретпен салыстырады. 

Бұл тексеру қадамы келесілер үшін қажет:

• Жеке деректерді пайдаланып алаяқтық жасаудың алдын алу.
• Шот қауіпсіздігін қамтамасыз ету.
• Ережелерге сай болу.

Қауіпсіздікті арттырумен қатар, бет-әлпет арқылы растау жеке басыңызды қарапайым, жылдам және байланыссыз тәсілмен растауға мүмкіндік беріп, шотыңызбен қолайлы жұмыс істеуге ықпал етеді. Бет-әлпет арқылы растау арқылы енді сізге күрделі құпиясөздерді есте сақтаудың немесе физикалық токендерді алып жүрудің қажеті жоқ, бұл кіру және аутентификациялау процесін ыңғайлы әрі тиімді етеді.

Бет идентификациясының сәтсіз болу себептері

• Жарық аз.
• Камера сапасы төмен.
• Көзілдірік, қалпақ немесе маска кию.
• ID фотосуреті мен жанды бет көрінісі арасында едәуір айырмашылық бар.
• Басқа адамның бет-әлпетін немесе жеке куәлігін пайдаланып көруге әрекет жасау.

Маңызды ескертпе: Тексеру рәсімін айналып өту үшін шотты басқа отбасы мүшелерімен немесе жеке тұлғалармен бөлісу және т.б. жағдайлар шарттарымыз бен ережелерімізді бұзады деп саналады. Бет кескінінің сәйкес келмеуі бет-әлпет арқылы растаудан өте алмауға алып келеді. 

Бет-әлпет арқылы растауды сәтті аяқтау жолдары

1. Құрылғы параметрлерінде биометрия функциясын орнатқаныңызға көз жеткізіңіз. Бет-әлпет арқылы растау процесін «Шот параметрлеріне» кіріп, iOS үшін [Face ID және құпия код] немесе Android үшін [Бет құлпын ашу] тармағын таңдау арқылы орнатуға болады. Қадамдық нұсқаулықты Мобильді құрылғыңызда биометрикалық аутентификацияны қалай орнатуға болады? бөлімінен қараңыз.

2. Растау алдында жарық, фон және камераның тазалығы секілді жалпы мәселелерді шешіңіз.

Алдын ала тексеру тізімі: 

• Жақсы жарық: жақсы жарық түскен жерде болыңыз. Бетіңізде қатты жарық немесе көлеңке болмасын.
• Бейтарап фон: бетіңізге жақсы назар аудару үшін назарды бөлмейтін қарапайым фонды таңдаңыз.
• Камераның тазалығы: таза сурет шығуы үшін құрылғы камерасының линзасы таза екендігіне көз жеткізіңіз.
• Беттің көрінуі: бетті жабатын бас киім, көзілдірік, бетперде немесе басқа да нәрселерді алыңыз.
• Бірқалыпты ұстаңыз: тексеру барысында құрылғыны көз деңгейінде тұрақты ұстаңыз.
• Экрандағы нұсқауларды орындаңыз: сұралған кезде басыңызды баяу бұру немесе көзді жыпылықтату сияқты әрекеттерді орындауға дайын болыңыз.
• Бет-әлпет арқылы растаған кезде шот иесі өзіңіз болуыңыз керек

3. Binance шотыңызға кіріңіз. Сізден Бетті сканерлеу процесін бастау сұралатын болады. 

4. Құрылғыңыздың камерасы қосылып тұрғанына және бетіңіз кадрдың ішінде екеніне көз жеткізіңіз. Бетіңізді бірқалыпты ұстап, камераға тура қарап отырыңыз. Бетіңіз толықтай көрініп тұрғанына, жарық жақсы түсетініне көз жеткізіңіз.

5. Бетіңіз сканерленгеннен кейін, жүйе кіруді автоматты түрде мақұлдайды. Тексеруден өтпесеңіз, қосымша көмек алу үшін Binance тұтынушыларды қолдау қызметіне хабарласыңыз.

Binance сайтында жеке басты растау туралы көбірек білу үшін Жиі қойылатын сұрақтар: Жеке басты растау бөліміне өтіңіз.