Binance Спот OTC саудасы бойынша жиі қойылатын сұрақтар

1. Тоғыспалы Спот OTC саудасы дегеніміз не және оның артықшылықтары қандай?

Биржадан тыс сауда (OTC) екі тарап арасында тікелей жүргізіледі, ол, мәселен, Binance биржасындағы саудадан өзгеше болып табылады. Binance платформасында бұл екі тарап қызметін сауда сұратуын жіберетін пайдаланушы және Binance OTC бөлімі атқарады.

Бағалар екі тарап арасында келісіліп, сауда биржадан тыс жүзеге асырылады. OTC саудасы ірі көлемді сауда операциялары үшін жиі пайдаланылады. Бұл тәсіл неғұрлым құпия және биржа тапсырыс кітабындағы өтімділікті айналып өтіп, құлдилаудан сақтауға мүмкіндік береді.

2. Binance жүйесінде кім биржадан тыс сауда жасай алады?

Расталған Binance пайдаланушылары Binance арқылы OTC саудасын жасай алады. 

Назар аударыңыз: қолданыстағы шоттағы депозит пен шығару лимиті қолданылады. 

3. RFQ және IOI дегеніміз не және олардың артықшылықтары қандай?

Баға белгіленімін сұрау (RFQ) – OTC пайдаланушылары ірі көлемді саудаға арналған ағымдағы, саудаланатын бағаны сұрата алатын функция. Спот RFQ жылдам, бәсекелі, жеке және жоғары деңгейлі жауаптар ұсынады. Бұл функция өз қозғалысын жария тапсырыс кітабында көрсеткісі келмейтін ірі трейдерлерге ыңғайлы.

Қызығушылық таныту көрсеткіші (IOI) – бұл OTC пайдаланушыларына міндеттемесіз сауда ниетін OTC-дің ішкі сәйкестендіру жүйесіне жіберуге мүмкіндік беретін функция. Ықтимал қарсы тарап анықталған жағдайда, OTC бөлімі пайдаланушымен байланысып, сауда шарттарын растау әрекетін жүзеге асырады. IOI пайдаланушыларға ешқандай міндеттеме алмай-ақ саудаға қызығушылық танытуға мүмкіндік береді.

4. Сауда алымдары бар ма?

Биржадан тыс сауда (OTC) жасау үшін ешқандай алым алынбайды. Саудаға арналған ағымдағы бағаны OTC Спот саудасы платформасынан көруге немесе қосымша ақпарат алу үшін trading@binance.com мекенжайына хабарласуға болады.

5. Сауда көлемінің ең төменгі және ең жоғарғы шектері қандай?

Қолмен орындалатын Спот RFQ саудасының ең төменгі көлемі – 200 000 АҚШ доллары немесе соған баламалы сома. Ең жоғарғы сауда көлеміне шектеу жоқ. 200 000 АҚШ долларынан төмен көлемдегі сауда үшін ағымдағы бағаны Binance Convert арқылы көруге немесе Convert API арқылы ең төменгі шектеусіз сауда жасауға болады.

Convert API арқылы сауда жасау үшін тиісті құжаттамамен осы жерден танысуға болады.

6. OTC саудасы бойынша есеп айырысу қалай жүзеге асырылады және қанша уақыт алады?

Сауда нәтижелері сіз көрсеткен Binance Спот шотына тікелей есептеледі (негізгі және қосалқы шоттарды қолдайды). Әдетте есеп айырысу сауда аяқталғаннан кейін бірден жүзеге асырылады.

7. OTC саудасы қандай сауда жұптарын және активтерді қолдайды?

Binance спот нарығында көрсетілген 300-ден астам криптовалютаны, стейблкоинды және фиат жұбын және тікелей тізім жасалмайтын кез келген синтетикалық тоғыспалы жұптарды қолдаймыз.

8. OTC саудасы API арқылы қолжетімді ме?

Иә. OTC жүйесі API арқылы саудаға қолдау көрсетеді. Құжаттаманы осы жерден қарауға немесе қосымша ақпарат алу үшін trading@binance.com мекенжайына хабарласуға болады.

9. Фиат валюталарымен сауда жасай аламын ба?

Иә, сіз Binance тізіміндегі крипто-фиат жұптарымен, оның ішінде EUR, GBP және BRL валюталарымен сауда жасай аласыз.

10. Binance платформасында фиат валюталарын қалай енгізуге және шығаруға болады?

Binance платформасында фиат енгізу және шығару туралы толығырақ ақпаратты мына сұрақ-жауаптан қараңыз.

11. Binance арқылы жасалатын OTC саудасына қандай заңды шарттар қолданылады?

Binance арқылы сауда жасау кезінде сізге Binance Пайдалану шарттары және Binance OTC шарттары қолданылады. Жергілікті Binance нысандарына қосылған кезде сізге осы шарттардың жергілікті нұсқалары қолданылуы мүмкін. Ұсынылатын қызметтердің көлеміне байланысты сізден қосымша ережелер мен шарттарды қабылдау талап етілуі мүмкін. Сұрақтарыңыз болса, Binance қолдау қызметіне хабарласыңыз.

12. Binance OTC бөлімімен қалай байланысуға болады? 

Бізге trading@binance.com электрондық поштасы арқылы хабарласыңыз.