Соңғы жаңартылған күні: 2024 жылғы 4 қыркүйек
Жауапкершіліктен бас тарту туралы мәлімдеме: MiCA талаптарына сәйкес, рұқсат етілмеген стейблкоиндар бойынша ЕЭА аумағындағы пайдаланушыларға шектеулер қойылуы мүмкін. Қосымша ақпарат алу үшін осы жерді басыңыз.
1. Binance қолданбасына кіріп, Binance Pro тармағына өтіңіз. [Қаражаттар қосу] – [Сатып алу жолы] опциясын түртіңіз. Мұнда мысал ретінде EUR қолданамыз. Фиат валютасын жоғарғы оң жақтағы мәзір арқылы өзгертуге болады.
2. Мұнда әртүрлі фиат валюталарымен криптовалюта сатып алуды таңдай аласыз. Жұмсағыңыз келетін фиат сомасын енгізіңіз, сонда жүйе сіз қабылдайтын криптовалюта сомасын автоматты түрде көрсетеді.
Сосын, төлем әдісі ретінде [Карта (Visa/Mastercard)] таңдағаныңызға көз жеткізіңіз.
3.1 Бұрын картамен криптовалюта сатып алмаған болсаңыз, [Жаңа карта қосу] түймесін түртіп, карта мәліметтерін енгізіңіз. [Растау] түймесін түртіңіз.
Бір уақытта тым көп карта байланыстырсаңыз, сізден 24 сағат күту сұралуы мүмкін екенін ескеріңіз. Карта байланыстырылмаса, мүмкіндігінше басқа банк шығарған картаны немесе басқа эмитент елде шығарылған картаны қолданып көруге болады.
3.2 Егер сіз бұрын картамен криптовалюта сатып алған болсаңыз, картаның жарамды екеніне көз жеткізіңіз. Карта күйін карта нөмірінің оң жағынан көре аласыз.
Мерзімі өткен карталарды транзакциялар үшін пайдалану мүмкін емес. Картаның мерзімі өтсе немесе аяқталуға жақын болса, картаны растау үшін [Жаңарту] түймесін түртіңіз.
Сонымен қатар картаның оң жағындағы қоқыс жәшігі белгішесін түрту арқылы картаны жоюға болады.
Қайталап сатып алу жоспарынан бас тартпасаңыз, қайталап сатып алу операциялары үшін пайдаланылатын карталар жойылмайтынын ескеріңіз.
4. Binance шотыңыз үшін Жеке басты растауды аяқтамаған болсаңыз, осы қадамда сізден оны істеуді сұрайды.
5. [Растау] түймесін түртпей тұрып, төлем мәліметтерін және транзакция алымдарын мұқият тексеріңіз. Кез келген уақытта криптовалютаның бағасы мен сәйкес сомасы автоматты түрде қайта есептелуі мүмкін екенін ескеріңіз.
Бағалар мен криптовалюта бағамдарының есептеулері туралы қосымша ақпарат алу үшін баға ұсынысының жанындағы [...] түймесін түртіңіз.
6. Қажет болса, банктің транзакция бетіне өтесіз. Төлемді растау үшін берілген нұсқауларды орындаңыз.
7. Тапсырыстың өңделуін сабырлықпен күтіңіз. Сатып алынған криптовалютаны жақын арада шотыңызда көресіз.
Binance жүйесі VISA және Mastercard кредиттік және дебеттік карталарын, сондай-ақ Apple Pay және Google Pay карталарын қолдайды. Қолдау көрсетілетін валюталар келесідей:
AED, AMD, AUD, AOA, AZN, BGN, BHD, BRL, CAD, CHF, CLP, COP, CRC, CZK, DKK, DOP, EUR, GBP, GEL, HKD, HUF, IDR, ILS, ISK, JPY, KES, KWD, KZT, MNT, MXN, NZD, OMR, PAB, PEN, PHP, PLN, QAR, RON, SAR, SEK, TJS, TRY, TWD, UGX, USD, UYU, UZS, VND, XAF және ZAR.
Қазіргі уақытта Binance 220-дан астам эмитент елге қолдау көрсетеді. Егер сізде басқа эмитент елінің картасы болса, соны қолданып көріңіз.
Бес банк картасына дейін байланыстыруға болады.
Иә, тапсырысты белгіленген мерзімде орындамасаңыз, ол жарамсыз болып қалады және сізге жаңа транзакция жіберу керек.
Сәтсіз транзакциялар үшін төлем шегерілсе, төлем сомасы картаңызға қайтарылады. Төлемді қайтару процесі картаңыздың үзінді көшірмесінде көрсетілуі үшін бірнеше күн кетуі мүмкін.
Кейбір банктер криптовалюта транзакцияларын квази-кэш төлемдері ретінде қабылдауы мүмкін. Сол себепті кейбір банктер карталарыңызбен криптовалюта сатып алу үшін қосымша алым алуы мүмкін. Сізден қосымша алым алынса, себебін анықтау үшін алдымен банкке хабарласыңыз.
Кейбір банктер мен карта провайдерлері ішкі саясаттарына байланысты криптовалюта операцияларын шектеуі мүмкін. Транзакцияңыз блокталған болса, олардың криптовалюта саудасы бойынша ережелері туралы банкіңізбен немесе карта провайдерімен кеңесу қажет болуы мүмкін. Балама ретінде пайдаланушылар басқа картаны (бірдей немесе басқа банктен алынған) пайдаланып көруіне болады.
Картамен криптовалюта сатып алған кезде, алымдардан басқа айырбас мөлшерлемелері/бағалары сіз алатын соңғы сомаға да әсер ететінін ескеріңіз. Тапсырыс мәліметтерін [Транзакция мәліметтері] бетінен тексеруге болады.
[Фиат журналы] бетіне өтіп, орындалмаған тапсырысты табыңыз. Оны түртсеңіз, орындалмау себебін көре аласыз.
Қосымша қолдау қажет болса, тұтынушыларды қолдау қызметіне хабарласу үшін ТҚҚ түймесін түртуге болады.
Криптовалютаңыз транзакцияны аяқтағаннан кейін қысқа уақыттан соң спот әмияныңызға аударылады. Сатып алу журналын көру үшін […] – [Журнал] – [Сатып алу] – [Бір реттік сатып алу] арқылы тапсырыс күйін тексере аласыз.
Ағымдағы лимиттерді көруге және жоғарырақ шот лимитін алу үшін жеке басты растау деңгейіңізді көтере аласыз. [Шот орталығы] тармағына өтіп, [>] – [Растау] тармағын түртіңіз.
