Binance компаниясының басты міндетінің бірі – пайдаланушыны қорғау. Binance платформасымен танысу барысында «Өз клиентіңді біл» (KYC) шолуына қажетті, жаңартылған ақпаратты жинау немесе тіркелгіңіздегі әдеттен тыс әрекеттерді тексеру сияқты түрлі себептерге байланысты «Ақпараттық сұрау» (RFI) формасын толтыруыңызды талап етуіміз мүмкін. Мұның бәрі – пайдаланушыларды қорғау және платформамыздың қауіпсіздігін сақтау жөніндегі міндеттемеміздің бір бөлігі. Жиналған ақпарат тек ішкі RFI шолуы үшін ғана пайдаланылатынын және үшінші тарапқа жарияланбайтынын ескеріңіз.
Ақпараттық сұрау (RFI) процесін түсіну үшін, осы Блог мақаласын қараңыз.
1. Binance тіркелгіңізге кірген кезде сізден RFI толтыру сұралуы мүмкін. Сондай-ақ Binance платформасынан электрондық пошта/SMS хабарын алуыңыз мүмкін.
Жүйеге кіру арқылы
Веб-сайтта немесе қолданбада Binance тіркелгіңізге кірген кезде RFI туралы қалқымалы хабарды көресіз. [Қазір бастау] түймесін басыңыз.
Электрондық пошта/SMS арқылы
RFI туралы электрондық пошта/SMS хабарын алсаңыз, Binance ресми веб-сайтында немесе қолданбасында Binance тіркелгісіне кіріп, RFI бетіне өту үшін баннердегі [Қазір бастау] түймесін басыңыз.
Маңызды ескертпе: фишингілік электрондық хабарлардан абай болыңыз. Электрондық поштаның Binance платформасынан келгеніне сенімді болмасаңыз, жіберушінің мекенжайын мұқият тексеріңіз. Сонымен қатар фишингке қарсы кодты қосқаннан кейін, ол Binance биржасынан келетін барлық шынайы электрондық хабарларға қосылады. RFI бетінде алған сілтемелерге өтпеңіз.
Мұнда екі RFI электрондық поштасы және SMS үлгісі бар:
2. Қажетті құжаттарды RFI бетіне жүктеп салуыңыз керек. [Файлды жүктеп салу] түймесін басып, құжаттарды (бірнеше файлды жүктеп салуға болады) таңдаңыз. Қажетті құжаттардың барлығын жүктеп салыңыз.
3. Сондай-ақ жіберді өңдеуге көмектесетін қосымша тиісті ақпаратты қамтуыңыз мүмкін.
4. Құжаттарыңызды жүктеп салғаннан кейін, [Жіберу] түймесін басыңыз. Binance ұжымының жіберу процесін қарап шығуын күтіңіз. Қосымша ақпарат немесе түсініктеме қажет болса, біз сізге қайта хабарласамыз.
