Jab bhi koi naya banda crypto mein aata hai, usay sirf profit ke screenshots nazar aate hain. Kisi ne 10 din mein paisa double kar liya, kisi ne ek coin se lakhon bana liye. Magar loss ke screenshots koi nahi lagata.
Maine apne aas paas bhi dekha hai ke log trading mein isliye nahi haarte ke unhein chart parhna nahi aata, balke isliye haarte hain ke unhon ne woh paisa laga diya jo unhein kal chahiye tha.
Is liye shuru karne se pehle apne aap se teen sawal poochein:
Kya yeh paisa ghar ki zaroorat ka hai? Agar haan, to na lagayein.
Agar yeh poora doob jaye to kya main theek rahunga?
Kya main kisi ke kehne par aa raha hoon, ya khud samajh kar?
Chhoti raqam se start karein. Pehle seekhein, phir barhayein. "Guaranteed profit" ya "double in 7 days" jaise wade karne wale se door rahein.
Crypto mein kamai ka mauqa bhi hai aur nuqsan ka bhi. Jo risk samajh gaya, wahi tika.
Yeh sirf awareness ke liye hai, financial advice nahi.