$13.33 ဆုံးရှုံးခဲ့တဲ့ BTC Tradတစ်ခုကနေ ကျွန်မ သိခဲ့ရတာက‌ တော့Crypto Trading လုပ်တဲ့အချိန်မှာ အမြတ်ရခဲ့တဲ့ Trade တွေကိုပဲ လူအများစုကမှတ်မိနေတတ်ကြပါတယ်။ ဒါပေမယ့် အခု ကျွန်မအတွက် တကယ်မမေ့နိုင်တဲ့ Trade က အမြတ်ရခဲ့တဲ့ Trade မဟုတ်ခဲ့ပါဘူး။ -13.33 USDT နဲ့ ပိတ်လိုက်ရတဲ့ BTC Trade တစ်ခုပါ။

တစ်ရက်မှာတော့ BTCUSDT Perpetual ကို ကြည့်နေခဲ့ပါတယ်။ အဲဒီအချိန်မှာ BTC ဈေးက ဆက်တက်ဖို့ထက် ပြန်ကျနိုင်တယ်လို့ မြင်မိတာကြောင့် Short ဝင်ဖို့ ဆုံးဖြတ်ခဲ့ပါတယ်
Entry Price က 60,190.1 USDT ပါ။
အခု Screenshot ကို ပြန်ကြည့်တိုင်း အရင်ဆုံးမျက်စိထဲဝင်တာက 120x ဆိုတဲ့ Leverage ပါပဲ။ အဲဒီအချိန်တုန်းကတော့ ကိုယ်သုံးနေတဲ့ Leverage က အန္တရာယ်ဘယ်လောက်များလဲဆိုတာ မသိခဲ့ပဲTrade ထဲဝင်ခဲ့တာပါ။
BTC နည်းနည်းပြန်ကျလာရင် အဆင်ပြေပြီဆိုပြီး ကိုယ့် Analysis ကို ယုံကြည်နေခဲ့ပါတယ်။
ဒါပေမယ့် Market က ကိုယ်ထင်ထားသလို မဟုတ် နေခဲ့ပါဘူး။
BTC က ပြန်တက်သွားပြီး ကျွန်မရဲ့ Short Position က တဖြည်းဖြည်းနဲ့ အရှုံးဘက်ကို ရောက်လာပါတယ်။ နောက်ဆုံး Average Close Price က 62,136.5 USDT ဖြစ်ပြီး Trade ကို ပိတ်လိုက်တဲ့အချိန်မှာ -13.33 USDT နဲ့ အဆုံးသတ်ခဲ့ပါတယ်။
ပမာဏကြီးတဲ့အရှုံးတော့ မဟုတ်ခဲ့ပါဘူး။ ဒါပေမယ့် အဲဒီ Trade ပြီးတဲ့နောက်မှာ ငါ Chart ကိုမှားဖတ်တာလားဆိုတာထက် “ငါ ဘာကြောင့် ဒီလောက်မြင့်တဲ့ Leverage ကို သုံးခဲ့တာလဲ” ဆိုပြီးကိုယ့်ကိုယ်ပြန်စဉ်းစားမိပါတယ်။တကယ်တော့ Trading မှာ ကိုယ်မြင်တဲ့ Direction မှန်ရုံနဲ့ မလုံလောက်ပါဘူး။ Market က ကိုယ်မျှော်လင့်ထားတဲ့အချိန်မှာ ကိုယ်မျှော်လင့်ထားတဲ့အတိုင်း ဖြစ်လာပေးမယ်လို့လည်း အာမခံချက်မရှိပါဘူး။ အဲဒီအပေါ်မှာ Leverage ကို အရမ်းမြှင့်ထားရင် သေးသေးလေး Price Movement တောင် ကိုယ့် Position အပေါ် သက်ရောက်မှုကြီးလာနိုင်တာကိုသတိထားသင့်ပါတယ်။အရင်တုန်းကတော့ Trade တစ်ခုဝင်တဲ့အခါ ငါဘယ်လောက်အမြတ်ရမလဲဆိုတာကိုပဲ တွေးခဲ့တယ်။ဒီ Trade ပြီးတဲ့နောက်မှာတော့ မှားသွားရင် ဘယ်လောက်ထိ ခံနိုင်မလဲဆိုတာကိုပါ အရင်စဉ်းစားတတ်လာပါတယ်။ဒါက ကျွန်မအတွက် ဒီ Trade ရဲ့ အကြီးမားဆုံး သင်ခန်းစာပါပဲ။ကိုယ်ဘယ်လောက်အမြတ်များများရနိုင်မလဲဆိုတာထက်ငါဘယ်လောက်အရှုံးခံနိုင်သလဲဆိုတာကိုသိထားဖို့လိုအပ်ပါတယ်။
နောက်တစ်ခုက Market ကို အတင်းအကြပ် ကိုယ့်ဘက်ပါလာအောင် စောင့်နေလို့မရဘူးဆိုတာပါ။ ကိုယ် Analysis မှန်တယ်လို့ ယုံကြည်နေရင်တောင် Market က အချိန်တိုအတွင်း ဆန့်ကျင်ဘက်ကို ရောက်သွားနိုင်ပါတယ်။ အဲဒီအချိန်မှာ ကိုယ့်အမှားကို ဝန်ခံပြီး ထွက်နိုင်ဖို့ကလည်း Trading ရဲ့ အစိတ်အပိုင်းတစ်ခုပါပဲ။
အဲဒီနေ့က -13.33 USDT ဆုံးရှုံးခဲ့တာကို အခုတော့ အရှုံးတစ်ခုလို့ မမြင်တော့ပါဘူး။ ကိုယ့်ရဲ့ Trading အလေ့အကျင့်ကို ပြန်ကြည့်စေခဲ့တဲ့ သတိပေးချက်တစ်ခုလို့ မြင်မိပါတယ်။Trading မှာ အမြဲတမ်း အနိုင်ရနေဖို့ မဖြစ်နိုင်ပါဘူး။ အရှုံးလည်းရှိမှာပါ။ တစ်ခါတလေ ကိုယ်အရမ်းယုံကြည်ထားတဲ့ Trade ကပဲ ကိုယ့်ကို သင်ခန်းစာ‌ တွေပေးသွားတတ်ပါတယ်။
ဒီ Trade မတိုင်ခင်က Trade မှန်ဖို့ကို ပဲအရမ်းအာရုံစိုက်မိခဲ့ပါတယ်။ ဒီ Trade ပြီးတဲ့နောက်မှာတော့ Trade မှားသွားရင်တောင် ကိုယ့် Asset ကို မထိခိုက်အောင် ဘယ်လိုထိန်းမလဲ ဆိုတာကို ပိုအာရုံစိုက်လာတယ်။
အခု Screenshot ထဲက BTCUSDT Short / 120x / -13.33 USDT ကို ပြန်ကြည့်မိတိုင်း ကျွန်မအတွက် အဲဒါက ရိုးရိုး Loss တစ်ခုမဟုတ်တော့ပါဘူး။အမြတ်ရတဲ့ Trade တွေက ပျော်စရာအမှတ်တရ ဖြစ်နိုင်ပေမယ့် ဒီ Trade ကတော့ ပိုကောင်းတဲ့ Trader တစ်ယောက်ဖြစ်ဖို့ ကိုယ့်အမှားကို ကိုယ်ပြန်မြင်စေခဲ့တဲ့ Trade တစ်ခုပါ။
Crypto Journey ဆိုတာ Profit တွေနဲ့ပဲ တည်ဆောက်ထားတာမဟုတ်ပါဘူး။တချို့နေ့တွေမှာ Green ဖြစ်မယ်။တချို့နေ့တွေမှာ Red ဖြစ်မယ်။ရေကူးနေရတဲ့ရက်တွေလည်းရှိနေမှာပါ နေ့တိုင်းဆိုသလိုပဲ😁😁တချို့ Trade တွေမှာ ကိုယ်မှန်မယ်။တချို့ Trade တွေမှာ ကိုယ်မှားမယ်။အရေးကြီးတာက Trade တစ်ခုရှုံးပြီးရင် နောက် Trade မှာ အဲဒီအမှားကို ထပ်မလုပ်မိဖို့ပါ။ကျွန်မအတွက်တော့ -13.33 USDT က ဆုံးရှုံးသွားတဲ့ငွေထက် ပိုတန်ဖိုးရှိတဲ့ သင်ခန်းစာတစ်ခု ဖြစ်ခဲ့ပါတယ်။
ဒါကတော့ ကျွန်မရဲ့ မမေ့နိုင်ဆုံး Crypto Trade Story တစ်ခုပါပဲ။
သင့်မှာရော ပြန်တွေးတိုင်း မမေ့
နိုင်သေးတဲ့ Trade တွေရှိခဲ့တယ်မလား?
အတွေ့အကြုံလေးတွေကို comments မှာမျှဝေပေးခဲ့ကြပါအုံးနော်။🫶
အမှားတိုင်းကသင်ခန်းစာပါပဲ။💪🥰🍊🍀
#ShareYourStoryWithBinanceAugust