အေးစက် မှောင်မဲပြီး တိတ်ဆိတ် ငြိမ်သက်နေသော စကြဝဠာကြီးထဲတွင် စကြဝဠာကြီး၏ သမိုင်းတလျှောက် အကြီးမားဆုံးသော ဂြိုဟ်ကြီးနှစ်လုံးသည် အလွန်လျှင်မြန်သော အရှိန်နှုန်းဖြင့် ပွတ်တိုက်မိကြပြီး တစ်လုံးတည်းအဖြစ် ပေါင်းစည်းသွားချိန်တွင် အလွန်လျှင်မြန် စူးရှ လင်းလက်လွန်းသော အလင်းတန်းများ စွမ်းအင်များ စကြဝဠာအနှံ့သို့ ပြန့်ကျဲသွားစေနိုင်သော စူပါနိုဗာ ပေါက်ကွဲမှုကြီး ဖြစ်ခဲ့ပြီး ထို စွမ်းအင်လျပ်စီးလှိုင်းများသည် ကမ္ဘာမြေကြီး၏ နေရာများစွာကိုလည်း ပျံ့နှံ့သွားခဲ့သည်။
မော်ရိုကိုနိုင်ငံ၏ ပင်လယ်ကမ်းစပ် နယ်မြို့လေးတစ်မြို့လေးရှိ စစ်စခန်းတစ်ခုတွင် စစ်ဗိုလ်ချုပ်ကြီးတစ်ဦး အိပ်နေစဉ် အခန်းပြတင်းပေါက်မှ အလင်းတန်းများ ဝင်ရောက်လာခဲ့သည်။ မနက် မိုးလင်းသည်နှင့် စစ်ဗိုလ်ချုပ်ကြီးသည် မြို့အနှံ့ကို လှည့်ကင်းကားနှင့် တစ်မြို့လုံးကို လမ်းကြားများပါမကျန် စစ်ယာဉ်တန်းနှင့် ပတ်ပြီးနောက် ထူးဆန်းသည့်အရာများ စတင်ဖြစ်ပွားလာခဲ့သည်။ လူအုပ်ကြီးသည် တစ်ဦးနှင့် တစ်ဦး တိုင်ပင် ဆွေးနွေးထားခြင်း မရှိကြပဲ တစ်နေရာတည်းသို့ ဦးတည်သွားနေကြသည်။ လူဦးရေ ခုနှစ်သောင်းခန့်သည် ပင်လည်ကမ်းခြေသို့ စုရုံးရောက်ရှိလာကြပြီးနောက် နည်းမျိုးစုံဖြင့် တစ်ဖက်ကမ်းကို ရရာနည်းလမ်းများ အသုံးပြုကာ ကူးခတ်နေကြလေသည်။ တစ်ဖက်ကမ်းသည်ကား လူဦးရေ ရှစ်သောင်းခွဲခန့်သာရှိသော စပိန်နိုင်ငံ၏ နယ်မြို့လေး တစ်မြို့လေးသာ ဖြစ်လေတော့သည်။
Erik X
