DOGE شنو واقع ليها دابا؟
DOGE دابا بحال واحد السيد عيان، واقف ولكن ما عندوش الجهد باش يوقف مزيان.
الثمن ديالو دابا صغير بزاف، 0.07 دولار. يعني إلا حطيتي 700 درهم كاملة، غادي تجيب ليك تقريبا 1000 حبة ديال DOGE.
ولكن المشكل ماشي فالثمن، المشكل فالصح ديالو.
علاش كنقول ليك عيان؟
حيت من شهر و هو غادي و كيهبط بشوية بشوية. كل مرة كيطلع شوية، كيعاود يهبط كتر من قبل.
الناس لي كانو شاريينو من شحال هادي، راهم عياو و بداو كيبيعو. و الناس الجداد ما بغاوش يدخلو دابا، حيت خايفين.
حيت السوق كامل دابا خايف. ما كاينش الحماس ديال 2021 فاش كان إيلون ماسك كيهضر عليه كل نهار و كيطلع.
دابا إيلون ساكت، و DOGE ساكت معاه.
فين هو الخطر؟
الخطر هو فـ 0.071
هاد الرقم بحال شي حيط. إلا DOGE بقا فوقو، مازال كاين أمل يطلع شوية.
إلا طاح تحت 0.071 و بقا تما، صافي، غادي يزيد يهبط لـ 0.065 و يقدر يوصل حتى لـ 0.060.
و هاد الهبوط يقدر يوقع فـ أي لحظة، حيت ما كاينش لي شادو.
فين هو الأمل؟
الأمل هو إلا طلع فوق 0.078 و بقا تما نهار كامل.
ديك الساعة نقولو بدا كيفيق شوية، و يقدر يمشي لـ 0.084.
ولكن باش يوصل تما، خاصو شي خبر قوي، ولا شي واحد كبير يشري بزاف. و دابا ما كاين والو.
شنو ندير أنا فبلاصتك؟
أنا فبلاصتك ما نشريش DOGE دابا.
$DOGE
#