ليه بنخاف نشتري طول ما السعر بيطلع… ونشتري بعد ما يطير؟
السيناربو اللي عادة بيحصل مع اغلب المتداولين:
السعر يبدأ يطلع...
تقول: لأ، أكيد هيرجع.
يكمل صعود...
تقول: خلاص بقى غالي.
يطلع أكتر...
وفجأة تبدأ تخاف إن الفرصة تضيع منك، فتدخل شراء بسعر أعلى من السعر اللي كنت رافض تشتري عنده!

وده هو ال FOMO أو الخوف من فوات الفرصة....

المشكلة إنك وقتها ممكن تكون صح في الاتجاه، لكن غلط في التوقيت..
السعر اتحرك بالفعل، وقف الخسارة المنطقي بقى أبعد، وال Risk/Reward بقى أسوأ، وأي تصحيح طبيعي ممكن يخرجك من الصفقة...

المشكلة مش إنك معرفتش الاتجاه...
المشكلة إنك استنيت لحد ما السوق أقنعك، بعد ما الفرصة بقت أسوأ...
وده سبب إننا أحيانًا بنخاف نشتري بسعر أقل...
ونطمن للشراء بعد ما السعر يطير..
#AIStocksWhatNext