$BTC

حتى المواقع اللي بتثق فيها طلعت مش آمنة اليوم!

باحثين أمنيين اكتشفوا حملة اسمها "أوبتيم جاك" ضربت 178 منظمة كبيرة، من بينهم:

Ledger - محفظة الهاردوير

Coinpass

OANDA - IG - Interactive Investor

Salesforce - Zoom

IKEA - BBC - CNN

شو كانت تعمل البرمجية؟

1. بتستبدل عنوان محفظتك: لما تنسخ عنوان عشان تبعت عليه كريبتو، هي بتبدله بعنوان الهاكر بدون ما تحس، فبتبعت فلوسك إله.

2. بتسرق بطاقتك: أي رقم بطاقة بتدخله في الموقع، وتاريخ انتهاء، ورمز الأمان، بينبعت للهاكر.

3. مستخدمين الايفون والايباد كانوا معرضين لخطر أكبر.

كيف صارت؟

الهاكرز استغلوا ثغرة في منصة Optimizely، اللي كثير شركات بتستخدمها، وحطوا كود خبيث جواها. شركة Optimizely أكدت الموضوع وقالت إنها سكرت الثغرة ومسحت الكود.

كم انسرق؟

لحد هلأ المبالغ اللي وصلت لمحافظ الهاكرز صغيرة، حوالي 2,300$ - 7,100$ بس، يعني الهجوم انكشف بسرعة قبل ما يكبر.

شو تعمل هلأ؟

1. لا تنسخ وتلصق عنوان محفظة من أي موقع اليوم، اكتب أول 4 حروف وآخر 4 حروف وتأكد منهم قبل ما تبعت.

2. لا تدخل بطاقتك على أي موقع من اللي فوق اليوم.

3. إذا دخلت بطاقتك اليوم على واحد منهم، راقب حسابك وغيّر بطاقتك.

4. حدّث متصفحك ولا تفتح روابط مشبوهة.

الخبر لسه جديد، والمواقع أغلبها نظفت الكود، بس الحذر واجب.

انشرها لصاحبك اللي بتداول كريبتو، ممكن تنقذ فلوسه!