#PEPE #PEPE市值超越LTC #pepe⚡ نرجعو لبيب، ولكن هاد المرة نهضرو عليها بطريقة أخرى، طريقة ديال التريد، ماشي غير شنو هي:
بيب فاش كتكون خطيرة وفاش كتكون فرصة؟
بيب عندها واحد الطبع خاص بيها، إلا فهمتيه غادي تعرف امتى تدخل وامتى تهرب.
1. بيب كتموت ومن بعد كتحيا
بيب ماشي بحال البيتكوين اللي كيطلع بشوية. بيب كتدير هكا: كتطلع بقوة، كتضرب واحد الرقم، ومن بعد كتموت. كتبقى هابطة، ساكتة، الناس كيقولو صافي ماتت، حتى واحد ما بقا كيهضر عليها.
وفديك السكات، الحيتان كيكونو كيجمعو فيها بشوية، بلا ما يحسو بيهم الناس. ومن بعد فجأة، كتنفاجر مرة أخرى.
دابا هي فالمرحلة ديال الروجوع من الموت. خرجات من القاع، وبدات كتبان.
2. شنو كيحركها؟
بيب ما كتحركهاش الأخبار ديال المشروع، حيت ما عندهاش مشروع. كيحركوها 3 حوايج:
الفوليم: إلا شفتي الفوليم طالع بزاف، عرف كاين شي حاجة واجدة. إلا الفوليم ناقص، غير بعد منها.
البيتكوين: إلا البيتكوين مستقر ولا طالع بشوية، بيب كتاخد راحتها وكتطلع. إلا البيتكوين طاح، بيب كتكون أول وحدة كتطيح معاه وكتطيح كثر منو.
تويتر وتيك توك: إلا شفتي الناس كامل كيهضرو عليها، عرف راه قريب توصل للقمة. إلا شفتي حتى واحد ما كيهضر عليها، عرف راه وقت الشراء قرب.
3. كيفاش تتعامل معاها؟
هاد القاعدة ديرها فبالك مع بيب:
ما تشريش فاش كتكون طالعة بزاف وطالعة بالخضورية
شري فاش كتكون هابطة والناس خايفين
حيت بيب ملي كتطلع 30% فنهار، أغلبية الناس كيدخلو متأخرين، وكيكونو هما الضحية اللي كيبيعو ليهم الحيتان.
أحسن طريقة مع بيب هي:
تدخل بجزء صغير
إلا هبطات 20%، تزيد جزء صغير آخر
إلا طلعات، تبيع النص وتخلي النص يمشي فابور
ما تبقاش طماع وتقول "نزيد نتسنا حتى توصل لدولار"
4. شنو هو السيناريو اللي كيتسناه الناس دابا؟
الناس كيتسناو جوج حوايج:
إلا بقات فوق الدعم ديالها وما هبطاتش منو، غادي تحاول تكسر المقاومة اللي فوقها. وإلا كسراتها، غادي تعطي واحد الطلعة مزيانة وسريعة.
وإلا ما قدراتش تكسرها ورجعات لتحت، غادي ترجع تدور فبلاصتها واحد المدة، وتجمع الطاقة عاد تحاول مرة أخرى.
يعني دابا هي فمفترق الطرق. ماشي وقت الشراء العشوائي، هو وقت المراقبة.
الخلاصة ديال بيب بطريقة التريد:
بيب = عملة ديال الصبر والسرعة بجوج.
تصبر عليها ملي تكون ميتة، وتكون سريع فاش تتحرك.
إلا كنتي كتقلب على النعاس مرتاح، بعد من بيب.
إلا كنتي كتقلب على الأدرينالين والربح السريع، بيب هي بلاصتك، ولكن دخل غير بفلوس ديال اللعب، ماشي فلوس الكرا ولا فلوس الدار.$AMZNB $PEPE
