البيتكوين إمبارح كان عند 81,000 واليوم نازل لحدود 76,000، أكثر من 6% راحوا بساعات بس. لكن الأهم أنه اللي صار ما له علاقة بالكريبتو، لا خبر سيء ولا اختراق ولا قوانين جديدة. اللي صار أنه أسهم رقائق الذكاء الاصطناعي اللي كنا متوقعينه صار، إنها انهارت. نازداك نازل أكثر من 5%، مؤشر أشباه الموصلات 9%. وانفيديا نازلة 8%.

طيب، هلا في البعض ممكن يحكي إنه طب شو دخل البيتكوين بهذا الحكي؟ دخله إنه البيتكوين محطوط بنفس سلة الأسهم التكنولوجيا عالية المخاطر. والشركات الكبيرة هي لما بتفكر تبيع ما بتفرز، بتبيع السلة كاملة لتقليل المخاطر. والدليل إنه أسهم شركات الكريبتو نفسها ضربت اليوم كمان. كوين بيس 8% نازل سركل 10% وشركات أخرى كمان روبن هود نازل تقريبا كمان 10%. فالموضوع مش موضوع هروب من الكريبتو. في شي كمان ضخم من النزول اللي صار، إنه امبارح مع الارتفاع الرافعات المالية كلها صارت صفقات على اللونج. فالهبوط اللي صار هذا القوي ساعد فيه وزاد طين باللي هو الرافعات المالية. صفقات اللونج كلها اتسكرت. هذا برضو ساهم بالهبوط.

فما رح احكيلك إنه وين السعر رايح أو وين القاع رح ينتهي، الله أعلم. النصيحة الوحيدة اللي ممكن أعطيك ياها يعني بهيك موقف، إنه ما تاخذ قرار وأنت متوتر أو خايف، لأنه أكبر خطأ ممكن تعمله. كنا نحكي دايما انتظر شهر 10 و 11، حتى نشوف قاع البير ماركت لوين ممكن يوصل. إذا عدينا هذول الشهرين، قد يكون خلص البيتكوين وصل لقاعه. الله أعلم لوين يوصل، ممكن يرجع لل60 55، يضل عند ال71. 70، 72. عندي 75 برضو الله اعلم ما حدا بيقدر يقرر هذا الحكي.

شهر 10 راح وصار اختراق بينانس. شهر 11 هلا احنا يا دوبك بنحكي يا هادي. صار انهيار رقائق الذكاء الاصطناعي أسهمها. ان شاء الله ما يكون في شيء اخر مخبى وخصوصا انه الكونغرس الأمريكي يعني مترصدين او مجهزين ملفات كبيرة لترامب وعائلة ترامب لفتحها. واثرت بشكل ملحوظ على عملتهم عملة ترامب وعملة زوجته.

الله اعلم على شو تنتهي الأمور وما تتخذ قرار وأنت متوتر هاي امور طبيعية بسوق الكريبتو أو بالأسواق بشكل عام فما بالك بسوق عالي المخاطر وناشئ مثل سوق الكريبتو.