البنك المركزي المصري رفع الفائدة 1%، علشان يواجه ارتفاع سعر الصرف والتوترات الجيوسياسية، والبعض ممكن يفتكر ان الاجراء ده هيضعف سعر الدولار وبالتالي سعر الذهب، ولكن ده مش ضروري يحصل.

رفع الفائدة بيأثر على السوق من أكتر من اتجاه، ومش كل التأثيرات بتظهر فورًا.

خلينا نبدأ بالدولار 💸

لما الفائدة على الجنيه ترتفع، الاستثمار في أدوات الدين المصرية هتبقى جذابة أكثر للمستثمر الأجنبي، خصوصًا لو العائد مغري مقارنة بالأسواق التانية. وده ممكن يساعد في جذب تدفقات أجنبية ودعم الجنيه.

لكن المستثمر مش بيبص على الفائدة لوحدها؛ هو كمان بيحسب احتمال انخفاض الجنيه. بمعنى لو العائد اللي هيكسبه من الاستثمار في مصر أقل من الخسارة المحتملة بسبب تراجع العملة، ممكن يفضل يخرج بأمواله رغم ارتفاع الفائدة.

وده يفسر ليه رفع الفائدة مش ضمان إن الدولار هينزل، لأن سعر الصرف بيتأثر كمان بتكلفة الواردات، واحتياجات مصر من العملة الأجنبية، وحركة الاستثمارات والتوترات الخارجية.

طيب والذهب؟ 💵

هنا عندنا عاملين بيتحكموا في السعر المحلي: الدولار وسعر الأونصة العالمي.

لو رفع الفائدة ساعد على استقرار الجنيه، ده ممكن يقلل تكلفة الذهب محليًا. وكمان لو البنوك رفعت عوائد الشهادات والودائع، بعض المدخرين ممكن يفضلوا العائد البنكي بدل الذهب، خصوصًا إن الذهب مش بيدي فائدة دورية.

لكن في المقابل، لو الدولار عالميا ارتفع أو سعر الأونصة زاد، ممكن الذهب يفضل مرتفعًا رغم زيادة الفائدة 🪙

يعني وارد جدًا نشوف الفائدة في مصر بتزيد، وفي نفس الوقت الذهب مش بينزل، لأن تأثير سعر الصرف أو السعر العالمي ممكن يكون أقوى من تأثير الفائدة.

وطبعًا رفع الفائدة ليه تكلفة على الاقتصاد، لأنه بيزود أعباء الاقتراض وممكن يضغط على الاستثمار وخدمة الدين.

علشان كده، المهم مش إن الفائدة زادت وخلاص، لكن هل الزيادة هتنجح فعلًا في دعم الجنيه واحتواء التضخم؟ لأن الإجابة عن السؤال ده هي اللي هتساعدنا نفهم الاتجاه المحتمل للدولار والذهب في الفترة الجاية 👉

🌑 $1000CHEEMS
✅@mshabaka $1000SATS $DOGS #FedWatch #EarningsSeason #比特币跌破8万美元