ကမ္ဘာ့အကြီးဆုံး Stablecoin ထုတ်လုပ်နေတဲ့ Tether ဟာ သူတို့ရဲ့ USDT အရန်ငွေကြေးတွေကို အပြည့်အဝ စစ်ဆေးဖို့အတွက် ကမ္ဘာ့ထိပ်သီးစာရင်းကိုင်လုပ်ငန်း တစ်ခုဖြစ်တဲ့ KPMG ကို ငှားရမ်းလိုက်ပြီဖြစ်ပါတယ်။ ဒါ့အပြင် အမေရိကန်စျေးကွက်ထဲကို တရားဝင် ဝင်ရောက်ဖို့ ပြင်ဆင်တဲ့အနေနဲ့ PwC ကိုလည်း ခေါ်ယူထားကြောင်း သိရပါတယ်။

အရင်တုန်းကတော့ Tether ဟာ သူတို့ရဲ့ အရန်ငွေကြေးပမာဏကို အတည်ပြုပေးတဲ့ အစီရင်ခံစာတွေကိုသာ ထုတ်ပြန်ခဲ့တာဖြစ်ပါတယ်။ အခု KPMG နဲ့ လုပ်ဆောင်မယ့် Full Audit (အပြည့်အဝစစ်ဆေးခြင်း) ကတော့ ကုမ္ပဏီရဲ့ ငွေစာရင်းပိုင်းကိုသာမက အတွင်းပိုင်းငွေကြေးထိန်းချုပ်မှုစနစ်တွေ၊ စည်းမျဉ်းလိုက်နာမှုတွေကိုပါ အသေးစိတ်စစ်ဆေးမှာဖြစ်လို့ ပိုမိုခိုင်မာတဲ့ ယုံကြည်မှုကို ပေးနိုင်မှာပါ။

လက်ရှိ USDT ရဲ့ စျေးကွက်တန်ဖိုး (Market Cap) ဟာ ဒေါ်လာ ၁၈၄ ဘီလီယံ ကျော်ရှိနေပြီး အမေရိကန်အစိုးရရဲ့ ငွေတိုက်စာချုပ် (Treasury Bills) အမြောက်အမြားကိုလည်း ပိုင်ဆိုင်ထားပါတယ်။ ဒီ Audit သတင်းကြောင့် ပြိုင်ဘက် Circle (USDC) ရဲ့ စျေးကွက်အပေါ် သက်ရောက်မှုတွေရှိလာနိုင်သလို၊ Tether အပေါ် နှစ်ရှည်လများ ရှိနေခဲ့တဲ့ "အရန်ငွေ အပြည့်အဝမရှိဘူး" ဆိုတဲ့ သံသယတွေကိုလည်း ဖြေရှင်းပေးနိုင်မှာဖြစ်ပါတယ်။

#zza #crypto #USDT #stablecoins #usmarket