knowldgesharing

ဒီနေ့က Crypto သမားတွေအတွက် ခါတိုင်းထက် ပိုပြီး သတိထားရမယ့် နေ့ပါ။ ဘာလို့လဲဆိုတော့ Bitcoin (BTC) နဲ့ Ethereum (ETH) ရဲ့ Options စာချုပ်ပေါင်း ဒေါ်လာ ၂.၂ ဘီလီယံကျော် (အတိအကျပြောရရင် $2,275,000,000 ဖိုး) က ဒီနေ့မှာ သက်တမ်းကုန် (Expire) တော့မှာမို့လို့ပါ။
ဒီကြောင့် Market က အတက်အကျ ကြမ်းနိုင်ပါတယ်။ ဘာကြောင့် အတက်အကျကြမ်းလဲဆိုတာကို နားလည်ဖို့ "Options ဆိုတာကို နားလည်ဖို့ လိုပါတယ်။
၁။ Options ဆိုတာ ဘာလဲ? 🤝
Options ဆိုတာက "စရန်ငွေပေးပြီး Booking လုပ်ထားတာ" လို့ အလွယ် မှတ်လို့ရပါတယ်။
ဥပမာ - ကိုယ်က နောက်လထဲမှာ Bitcoin ဈေးတက်တော့မယ်လို့ ထင်တယ်ဆိုပါစို့။ အခု Bitcoin ဈေးက $90,000 မှာ ရှိနေပေမယ့် "နောက်လကျရင်လည်း ငါ့ကို $90,000 နဲ့ပဲ ရောင်းပေးပါ" ဆိုပြီး ကြိုတင်စာချုပ် ချုပ်ထားတာမျိုးပါ။ ဒီအတွက် ကိုယ်က အခကြေးငွေ (Premium) အနည်းငယ် ပေးရပါတယ်။ သူ့မှာ -
Call Option: ဈေးတက်မယ်လို့ မျှော်လင့်ပြီး "ကြိုဝယ်ထားတဲ့ အခွင့်အရေး"
Put Option: ဈေးကျမယ်လို့ မျှော်လင့်ပြီး "ကြိုရောင်းထားတဲ့ အခွင့်အရေး" ဆိုတာ ရှိပါတယ်။
ဆိုလိုတာက ဈေးကွက်က ကျွန်တော်တို့ထင်သလို ဖြစ်မလာရင် ကိုယ့်ဘက်က အရှုံးခံပြီး အဲဒီစာချုပ်ကို အကောင်အထည်မဖော်ဘဲ ထားလိုက်လို့ ရပါတယ်။
၂။ ဘာလို့ Expire ဖြစ်တာလဲ? ⏳
လောကမှာ ဘယ်စာချုပ်မဆို သက်တမ်းရှိပါတယ်။ Options တွေကလည်း ဒီအတိုင်းပါပဲ။ သူတို့မှာ သတ်မှတ်ထားတဲ့ နေ့ရက်၊ သတ်မှတ်ထားတဲ့ အချိန် (Expiry Date & Time) ရှိပါတယ်။
ဒီနေ့ ဇန်နဝါရီ ၂၃ ရက်မှာ Expire ဖြစ်မယ်ဆိုတာက အဲဒီစာချုပ်တွေရဲ့ "နောက်ဆုံးသက်တမ်း" ရောက်ပြီလို့ ပြောတာပါ။ အဲဒီအချိန်ရောက်ရင် စာချုပ်ပိုင်ရှင်တွေက ဆုံးဖြတ်ချက်ချရပါတော့မယ်။
ဈေးကွက်ပေါက်ဈေးထက် ကိုယ့်စာချုပ်ဈေးက သာနေရင် (In the Money) အမြတ်ထုတ်မယ်။
ကိုယ့်စာချုပ်ဈေးက ရှုံးနေရင် (Out of the Money) တော့ စာချုပ်က အလိုအလျောက် တန်ဖိုးမရှိတဲ့ စက္ကူစုတ် ဖြစ်သွားပါလိမ့်မယ်။
ဒီလို ဒေါ်လာ ၂ ဘီလီယံကျော်ဖိုး စာချုပ်တွေ တစ်ပြိုင်နက်တည်း သက်တမ်းကုန်တဲ့အခါ ဈေးကွက်ထဲမှာ ငွေအလုံးအရင်းနဲ့ အရောင်းအဝယ်တွေ ဖြစ်လာတာကြောင့် Volatility (ဈေးနှုန်းအတက်အကျကြမ်းမှု) က ရှောင်လွှဲလို့ မရအောင် ဖြစ်လာတာပါ။
၃။ Expire ဖြစ်ရင် Crypto Market မှာ ဘာတွေ ဖြစ်လာနိုင်လဲ? 🎢
ဒါက အရေးကြီးဆုံးအပိုင်းပါ။ ဒီလောက် ပမာဏအများကြီး သက်တမ်းကုန်တဲ့အခါ ဈေးကွက်က ငြိမ်မနေတော့ပါဘူး။ အဓိက အချက် (၃) ချက်ကို သတိထားရပါမယ်
၁) "Max Pain" Price ဆီကို ဦးတည်ခြင်း
Crypto မှာ "Max Pain" ဆိုတဲ့ စကားလုံးရှိပါတယ်။ ဒါက Options ဝယ်ထားတဲ့သူတွေ အများဆုံး အရှုံးပေါ်မယ့် ဈေးနှုန်းပါ။ Market Makers (ဈေးကွက်ကို ထိန်းချုပ်သူတွေ) က ဈေးနှုန်းကို အဲဒီ Max Pain Point နားရောက်အောင် ဆွဲခေါ်လေ့ရှိပါတယ်။ ဒါကြောင့် Expire မဖြစ်ခင် နာရီပိုင်းအလိုမှာ ဈေးနှုန်းက မထင်မှတ်ဘဲ အပေါ်အောက် အပြင်းအထန် လှုပ်ခတ်နိုင်ပါတယ်။
၂) အကြီးအကျယ် အရောင်းအဝယ်ဖြစ်ခြင်း (High Volatility)
စာချုပ်တွေ သက်တမ်းကုန်တဲ့အခါ ရင်းနှီးမြှုပ်နှံသူတွေက သူတို့ရဲ့ Position တွေကို ပြန်ပိတ်တာ ဒါမှမဟုတ် နောက်လအတွက် စာချုပ်သစ်တွေ ထပ်ချုပ်တာ (Roll over) လုပ်ကြပါတယ်။ ဒီလို ငွေအဝင်အထွက်တွေကြောင့် Bitcoin နဲ့ Ethereum ရဲ့ ဈေးနှုန်းတွေက Rollercoaster စီးသလိုမျိုး ဖြစ်နေမှာပါ။
၃) ဈေးကွက်ရဲ့ လားရာအသစ် (Directional Move)
Options တွေ Expire ဖြစ်ပြီးသွားတဲ့အခါ ဈေးကွက်က ဖိအားတွေ လျော့သွားတတ်ပါတယ်။ အဲဒီအချိန်ကျမှ ဈေးကွက်က တကယ်တက်မှာလား၊ တကယ်ကျမှာလားဆိုတဲ့ လမ်းကြောင်းအမှန်ကို ပြလေ့ရှိပါတယ်။
ဒီနေ့ သက်တမ်းကုန်မယ့် ဒေါ်လာ ၂.၂ ဘီလီယံတန်ဖိုးရှိတဲ့ BTC နဲ့ ETH Options တွေက ဈေးကွက်အတွက်တော့ "စမ်းသပ်ချက်" တစ်ခုဖြစ်နေပါတယ်။ ဈေးကွက်က အနီရောင်တွေ ပြချင်ပြမယ်၊ ဒါမှမဟုတ် အစိမ်းရောင်တိုင်ကြီးတွေ ထောင်တက်သွားတာမျိုးလည်း ဖြစ်နိုင်ပါတယ်။
#CryptoBonds #Expire #knowldgesharing