News1 xəbər verir ki, Cənubi Koreya hökuməti kriptovalyuta gəlirlərinin vergiyə cəlb olunmasını yenidən təxirə salmağa hazırlaşır. Bu qərar yanvarda planlaşdırılan başlanğıca təxminən iki ay qalmış verilə bilər. Məmurlar vergini tətbiq etməyin kriptobazarda əsas qruplardan biri olan gənc investorların etirazını gücləndirə biləcəyindən ehtiyat edirlər. Bu, fond bazarındakı enişin aktiv bazarlarına ictimai münasibəti onsuz da pisləşdirdiyi bir vaxta təsadüf edir.

Prezident Administrasiyasının rəsmisi hökumətin təxirəsalma məsələsini müzakirə etdiyini bildirərək, “gənclərin fikirlərinin nəzərə alınmasını, o cümlədən onların aktivlərə sahib olmaq imkanlarına hörmət göstərilməsini” əsas gətirib. Demokrat Partiyasının lideri Kim Min-sok ayın 22-də bildirib ki, vergilərin planlaşdırıldığı kimi tətbiq olunmasına, yoxsa sistemin möhkəmləndirilməsinə qərar verməyin vaxtıdır. Partiyanın deputatı Pak Min-gyu isə başlanğıc tarixini 2029-cu ilə keçirmək üçün ayın 16-da qanun layihəsi təqdim edib.