Bazar üzrə əmanətlərimizi addım-addım qiymətləndirərkən, indi biz müəyyən edəcəyimiz oyun planına uyğun olaraq alış və satış səviyyələrimizi müəyyənləşdirməyə gəlib çatdıq. Ümumən buna görə 2 üsul var: 1- Fundamental Analiz 2-Texniki Analiz
Bu analiz üsulları maliyyə azadlığı yolunda hədəflərimizə çatmaq üçün bizə bələdçi rolunu oynayır. Bu həftə bu bələdçilərin nələr olduğunu və onlardan necə istifadə oluna biləcəyini danışacağam. Hazırsınızsa başlayaq

1- Fundamental Analiz: Fundamental analiz aktivin (məsələn, səhm, valyuta cütü, əmtəə, kripto) həqiqi dəyərini müəyyən etmək üçün iqtisadi, maliyyə və sektor üzrə məlumatları araşdıran bir üsuldur
Fundamental analiz öyrənmək üçün səriştəli bir insandan təhsil almaq çox dəyərlidir, amma bundan əvvəl bunun sizin üçün uyğun bir analiz metodu olub-olmadığını müəyyənləşdirməlisiniz: yəni onun əsasında bir araşdırma aparmaq sizin istəyinizdirmi?
Əlbəttə, fundamental analizdə diqqət etməli olduğunuz bəzi göstəricilər var. Fundamental analizdə istifadə olunan bəzi meyarlar;

Makroiqtisadi proqnoz: İnvestisiya qoyacağınız aləti araşdırmazdan əvvəl, mütləq ümumi iqtisadi mənzərəyə baxmalı və böyük şəkli görməlisiniz.
WhitePaper/Texniki sənəd: Siz layihənin məqsədi, hədəfləri, onu rəqiblərindən fərqləndirən cəhətlər haqqında məlumat əldə edə bilərsiniz; bununla da layihənin həqiqətən bir problemin həllini təqdim edib-etmədiyi sualına cavab tapmaq mümkün olur.
İqtisadi struktur: Layihələri uğurlu edən tək şey onların sadəcə problemin həllini yaratması deyil. Eyni zamanda, həll təqdim edərkən iqtisadi göstəricilər də effektiv şəkildə tənzimlənməlidir. Layihə nə qədər möhkəm olsa da, uğursuz (ineffektiv) token metrikləri layihənin uğursuzluğa düçar olmasına səbəb ola bilər.
Komanda: Layihənin uğurlu olması üçün komandanın Cv göstəricisinin də möhkəm olması ciddi fərq yaradır. Bu səbəbdən komanda üzvlərinin əldə etdikləri nəticələr çox dəyərlidir
İnvestor: Siz investorların kim olduğunu, bu investorların əvvəl nələrə sərmayə qoyduğunu və onların investisiyalarının mənfəət verib-vermədiyini yoxlaya bilərsiniz. Məsələn A16z, Sequoia və s.
Bazar dəyəri: Layihəyə investisiyanızdan maksimum səmərə əldə etmək üçün, bazar dəyəri yüksək olan layihələrə yox, daha aşağı dəyərli, amma perspektivli layihələrə yatırım etmək daha çox mənfəət verə bilər.
Marketinq: Demək olar ki, komandanın layihəni bazarda elan etmək üçün həyata keçirdiyi bütün təbliğat fəaliyyətləridir. Twitter-də onların fəaliyyəti, Discord / telegramdakı icmanın canlılığı, fiziki tədbirlər, blog yazıları ilə başdakı sual işarələrini aradan qaldırmaq və s. Onların gördüyü işlərlə insanların layihəyə marağını cəlb etməsi layihə üçün bir nümunə/istinad yarada bilər.

2- Texniki Analiz: Texniki Analiz vasitəsilə gələcək qiymət hərəkətlərinin istiqaməti, keçmiş qiymət dəyişikliklərini əks etdirən qrafiklər və riyazi göstəricilərin köməyi ilə müəyyənləşdirməyə çalışılır. Texniki analizlə gələcək bazar vəziyyətinin proqnozlaşdırılması, maliyyə bazarlarında investorlar üçün ticarət strategiyalarının hazırlanmasında mühüm yer tutur.
Texniki analizlər əsasında yaradılan proqnozlara əsasən ticarətə başlama vaxtı və həyata keçiriləcək ticarət həcmi barədə qərarlar verilir. Qiymət dəyişmə proqnozları ticarət etməzdən əvvəl bazar iştirakçılarının düzgün qərar qəbul etməsinə kömək edir. Texniki analizdə istifadə olunan müxtəlif metodlar var:
Trendə əsaslanan yanaşma: Trendlər texniki analizdə çox önəmlidir. Hansı texniki analiz metodundan istifadə etməyinizdən asılı olmayaraq, trend sizin dostunuzdur. Trendlə mübarizə aparmayın—UDUZACAQSINIZ. Trend sizin dostunuzdur :)
Nümunələr (Patterns): Qiymət hərəkətində formalaşan müxtəlif həndəsi strukturlarla qiymətin hara gedəcəyini proqnozlaşdırmaq. OBO-TOBO, Dish, Simmetrik üçbucaq, Kanal və s.
Göstəricilər: Qiymət məlumatları əsasında hazırlanmış göstəricilər qiymət qrafiklərinə tətbiq edilir. Moving average (orta hərəkət), Rsi, Macd və s.
Harmonik nümunələr: Ardıcıllıq Fibonacci retracement (korreksiya) və Fibonacci extension (uzadılma) birləşmələrini ehtiva edən, qiymət hərəkətlərində aydın müəyyənləşdirilmiş 5 nöqtəli dönmə strukturlarıdır; bu da daha çevik şərh üçün yerin azalmasına səbəb olur.
Fibonacci: Onun önündəki rəqəmə hər rəqəmin əlavə edilməsi ilə əldə edilən ədədlər silsiləsidir. Fibonacci aləti soldan sağa doğru qiymət hərəkətinə uyğun çəkilir. O, harmonik nümunələrdə və hədəf qiyməti tapmaq üçün həndəsi nümunələrdə istifadə olunur. Vacib nisbətlər: 0.382–0.5–0.618–0.786–1.272–1.618

Texniki analiz və fundamental analiz siz investisiya qoyacağınız alət barədə aydın nəticə vermir, yalnız onun çata biləcəyi nöqtəni göstərir. Sonra hər şey bazarın dinamikasından asılı olur. Heç bir metod qızıl kasa deyil. Burada vacib olan odur ki, özümüz üçün uyğun analiz metodunu seçək və digər metodu maksimum dərəcədə istifadə edərək öz yol xəritəmizi daha sağlam şəkildə quraq.