المشكلة هنا مش بالضرورة في التحليل أو
الاستراتيجية، أحيانًا المشكلة بتكون في الحالة النفسية وطريقة إدارة التداول
بعد سلسلة من المكاسب، ممكن الثقة الزائدة تخليك تدخل صفقات من غير تركيز كافي. وبعد سلسلة من الخسائر، ممكن تحاول تعوض بسرعة، فتبدأ تاخد قرارات عشوائية وتضاعف خسائرك.
علشان كده لازم يكون عندك نظام للراحة بين الصفقات:
1. افصل ساعة كاملة بين كل صفقة والتانية، ومتدخلش صفقة جديدة لمجرد إنك قفلت الصفقة السابقة.
2. لو خسرت 3 صفقات متتالية، توقف عن التداول تمامًا.
3. بعد 3 خسائر متتالية، خلي فترة الراحة يوم كامل بدل ساعة، وارجع راجع تحليلاتك وأسباب الخسارة.
4. ممنوع تدخل صفقات بهدف تعويض الخسارة أو الانتقام من السوق.
5. متخليش سلسلة المكاسب تخليك تتخلى عن إدارة رأس المال والانضباط.
مش مطلوب منك تكسب كل صفقة، المطلوب منك تحافظ على رأس مالك وتعرف إمتى تتداول وإمتى توقف.
اترك ساعه راحة بين الصفقات، و3 خسائر متتالية معناها توقف لمدة 24 ساعة.
افتكر دائمًا: الحفاظ على رأس المال أهم من اقتناص كل فرصة، والفرص في السوق مش بتنتهي.
