الى اين يذهب بنا العالم؟
وانت نايم بالليل حصلت اكبر سرقة في التاريخ ..
#منصة "بينانس" وهي منصة تداول بيتكوين وعملات وفيها محافظ الكترونية وحاجات من دي، الساعة ٨ بالليل اتسحب منها ٦.٣ مليار دولار في تلت ساعة بس اللي هما ٤٪ من اجمالي اصول الشركة ككل، وطبعا الدنيا اتقلبت والعملات خسرت والشركة اتحركت وقدروا يجمدوا ٣ مليار من التحويلات لكن فيه ٣.٣ مليار تانيين مع السلامة كدة.
ازاي الحوار ده حصل؟
واحد من المهندسين اللي شغال في الشركة غالبا فتح لينك من على اللاب بتاعه بالغلط، غالبا بيكون عرض وظيفة على لينكدان، المهم اتفتح من هنا ودخل البرنامج من هنا وبدأت التحويلات، وعلى ما وقفوها كان المبلغ طار، وبداوا التحقيق واتقال ان مجموعة "لازاروس" هما اللي عملوها، ودول من كوريا الشمالية، والفلوس اخدوها عشان يمولوا بيه تسليحهم.
قصة بداية "لازاروس" غريبة ..
سنة ٢٠١٤م شركة "سوني" انتجت فيلم ساخر اسمه "المقابلة" عن اتنين صحفيين بيقابلوا زعيم كوريا الشمالية "كيم يونج اون"، وقتها كوريا طالبت بسحب الفيلم من دور العرض، ولما محصلش، الشركة اتفاجئت انها اتقرصنت، واتعطلت الاجهزة واتسحبت معلومات شخصية من الموظفين والمديرين وايميلات من مخرجين بيشتموا الممثلين واتسربت معظم المشاريع اللي كانت الشركة شغالة عليها، الموضوع قلب الدنيا واضطرت الشركة تسحب الفيلم من السينمات وتطرحه عالنت، والموضوع اتضح ان وراه "كوريا" نفسها، ودي كانت البداية.
ليه الموضوع ده يخوف شوية؟
من كام يوم، مجموعة اخترقت التلاجات الذكية اللي جوا المحلات الكبيرة في فرنسا، وشغلتها عالسخن، وتسببت في افساد بضايع بمليارات، ومن كام شهر، حصل اختراق تاني لمجموعة تلاجات جوا القواعد الامريكية، والاكل اللي جوا باظ، والبنتاجون قال انها هجمة، وطبعا شفتوا امبارح حوار اليافطة بتاعت المحور، وقيس على ده توجيهات ١٨ دولة على رأسهم بريطانيا لمواطنيها بتخزين اكل وشرب يكفوا والتشديد على تخزين "راديو" و "بطارية" لدرجة ان مبيعات الراديو بالزمبلك رفعت والناس تكهنت ان ده بسبب حرب محتملة قادمة.
يعني ايه؟
فيه احتمال نابع من نظريات المؤامرة، احتمال شخصي بسيط نسبته لا تتعدى ال١٪ ان كل ده تمهيد لهجمة الكترونية ضخمة ممكن تضرب العالم كله قدام، وكل اللي بيحصل ده انابيب اختبار، بيشوفوا جاهزية الهجمة يعني، مناورة كدة، ليه لأ؟ فكر فيها، بس عامة بعيدا عن اي شيء فالصراعات السيبرانية هو ده شكل الحروب الجديدة، اجدد من المُسيرات نفسها، تخيل الانظمة اللي مربوطة ببعضها من التلاجات الذكية لمنصلات الاطلاق للخرايط لحد حسابك البنكي وصورك الشخصية، متخيل ممكن يحصل ايه؟
شكرا ✌️