احد أخـ ـطر عمليات الاحتــيال راهي تصرى في الـ P2P هي السـ ـرقة الثلاثية كاين لي يعرفها وكاين لي مايعرفهاش لذلك هدفنا تنويه الناس

✅ واشنو هي الطريقة الثلاثية؟

ببساطة، السـ ـراق هو الطرف الثالث ويكون هو الوسيط بينك وبين ضحـ ـية وحدة أخرى بلا ما تفيق:

🔸 السـ ـراق يحط إعلان بيع وهـ ـمي مثلاً يبيع USDT في واد كنيس ولا فلفيسبوك بسعر مغري

🔸كي يلقى ضحـ ـية (المشتري) يروح هو لـ Binance ويفتح طلب شراء USDT عندك أنت

🔸 يعطي رقم الـ RIP تاعك للضحـ ـية باش يخلصو

🔸 الضحـ ـية يبعثلك الدراهم لحسابك أنت تظن بلي السـ ـراق هو لي بعث

أنت تطلق الـ USDT للـسـ ـراق وهنا تبدأ الكـ ـارثة

🔸 النتيجة السـ ـراق يهرب بالـ USDT والضحـ ـية كي ما يوصلوش USDT يروح يشـ ـكي بإستخدام ccp تاعك انت لانو السـ ـراق مدلو ccp تاعك

🟢كيفاش تحمي روحك ؟

1️⃣ قبل ما تطلق الـ USDT تأكد 100% بلي الاسم لي بعثلك في BaridiMob هو نفسه الاسم الحقيقي الموثق في حساب Binance

2️⃣ ممنوع الدفع من طرف ثالث: أكتبها في الشروط تاعك : لا أقبل الدفع من حساب شخص آخر. هكذا تحمي روحك قانونياً أمام دعم بينانس.

3️⃣ أطلب اثبات الهوية ، اطلب منه يصورلك بطاقة التعريف بجانب شاشة التحويل الا اذا استلزم الامر. السـ ـراق مستحيل يديرها وهدي ترجع لقناعة المشتري
علابالي بطاقة الهوية حساسة ، لذى كاين خيار اخر اطلب من المشتري يرسل صورة من حسابه BaridiMob في قسم البطاقات تبين اسمه الحقيقي والمبلغ المرسل

4️⃣ كي تلقى واحد يبيع بسعر هابط بزااااف على السوق ولا يشري عليك بسعر طالع بزاف هنا اك تشم ريحة الخـ ـدع

5️⃣ صور كلش خلي الـ Screenshots تاع التحويل وتاع الـ Chat دايماً عندك كدليل

التجارة في الـ P2P فيها رزق بصح مع العرب تاعنا لازم تكون فاطن ما تخليش روحك تولي وسيلة لغسـ ـيل أمـ ـوال السـ ـراقين.

بزاف ناس راحو في الحكاية هدي وربي يسترنا

⚠️ رد بالك تشكي عند الشرطة إذا تعرضت للنصـ ـب في P2P، لأن قانون 2018 يمنع الكريبتو والاعتراف بمحاولة الشراء قد يحولك من ضحية إلى متهم بمخالفة قانون الصرف.

القانون يعتبر الشروع في معاملة غير قانونية كافياً للمتابعة وحجز الأموال حتى ولو انك لم تملك هاته العملات مدام باشرت في شرائها فأنت تعتبر باشرت في معاملة غير قانونية حتى ولو حماك القانون بداعي انو انت لا تملكها دير فحسابك كي تربح القضية ويرجعولك حقك لتم يرجعلك USDT تاعك ولتم يغلفوك في كارطونة لانو لتم راح تولي بالجرم المشهود لذا الوقاية والوعي هما الاساس الوحيد بدل المخاطرة بالدخول في متاهات قضائية

اجعل حمايتك محصورة داخل منصة بينانس والالتزام التام بشروط التداول، فهي القانون الوحيد الذي يضمن حقك في الجزائر حالياً

📩 بارطاجي المنشور مع صاحبك لي يخدم في الـ P2P.. المعلومة هادي تقدر تسلكو من مشكل كبير !، بالتوفيق 🤍

وهذا والله اعلم وادرى.