⚠️ أكبر غلطة بتخليك تدخل الصفقة في الوقت الغلط! | اعرف الترند الأول👌👌🔥🔥🔥🔥الحلقة: إزاي تحدد الترند؟

بعد ما اتعلمنا إزاي نقرأ الشارت ونحدد مناطق الدخول والخروج، لازم نعرف الأول السوق ماشي فين.

يعني السوق طالع؟ نازل؟ ولا بيتحرك بشكل جانبي؟

وده اللي بنسميه الترند.

الترند الصاعد 📈

لو السعر بيعمل قمة أعلى من القمة اللي قبلها، وقاع أعلى من القاع اللي قبله، يبقى عندنا ترند صاعد.

مثال بسيط:

السعر طلع لـ100، نزل لـ95، طلع لـ110، نزل لـ103، وبعدها طلع لـ120.

هنا الاتجاه واضح إنه صاعد، لأن القمم والقيعان بتزيد.

في الحالة دي بنركز أكتر على فرص الشراء، خصوصًا لما السعر يرجع لمنطقة دعم ويظهر تأكيد على استمرار الصعود.

الترند الهابط 📉

العكس تمامًا.

لو السعر بيعمل قمم أقل وقيعان أقل، يبقى الترند هابط.

مثلاً:

السعر وصل لـ120، نزل لـ110، طلع لـ115، نزل لـ100، وبعدها طلع لـ108 ونزل لـ95.

هنا البائعين أقوى، والاتجاه هابط.

في الحالة دي بنكون حذرين جدًا من الشراء لمجرد إن السعر نزل.

السوق العرضي ↔️

أحيانًا السعر لا بيطلع ولا بينزل بشكل واضح.

يفضل يتحرك بين منطقتين، مثلًا من 100 لـ110 ويرجع تاني.
ده اسمه سوق عرضي.

وهنا لازم نكون حذرين، لأن الاتجاه مش واضح.

أهم قاعدة 🎯

قبل ما تدخل أي صفقة، حدد الاتجاه الأول:

قمم أعلى + قيعان أعلى = صاعد.

قمم أقل + قيعان أقل = هابط