ياجماعه للتوضيح بس أنا شاب عندى 29 سنة كنت شغال شغل باليومية ب 170 جنيه فى اليوم تبع شركة المصرية للاتصالات كنت بحفر فى الشوارع لحد ماجالى غضروف فى ضهرى وانا معملتش حاجة فى حياتى لا اتجوزت ولا عندى شقة ولا عملت حاجة فى حياتى ولا حد وقف معايا من أهلى لحد ماجبت أخرى صعبت عليا نفسى قسما بالله أنا كل يوم قبل ما بنام بعيط على نفسى وعلى حالى كان معايا 40 ألف جنيه وفرتهم فى 5 سنين والله بالعافيه وكنت حارم نفسى من اى حاجة لحد ما لقيت موضوع عن التداول حبيت اجرب وعارف أنه حرام بس ما باليد حيلة لو قعدت 100 سنة مش هقدر اتجوز ولا أعمل حاجة لنفسى طب اسر*ق ولا والناس بتعلق وتقول التداول حرام عارف والله بس اعمل ايه💔 المهم دخلت بالتداول كسبت 130 دولار وبعد كده خسرت كل المبلغ اللى هو 40 ألف جنية اللى حيلتى ودى اخر 300 دولار خسرتها ومابقاش حيلتى حاجة قسما بالله ليه يومين بتمنى الموت وبعيط بس فى الآخر مش هقول غير الحمدلله على كل حال💔